Ана тили – хәлиқ қәлби, асасий вә әң рошән бәлгүси               Ана тили – хәлиқ қәлби, асасий вә әң рошән бәлгүси
Хәлиқ вә муәллипләр шеирлири ▪ Народные и авторские стихи
Или вадиси
Стихи
Разместил: Гульсанам   

4 голосов 
13.02.2016 14:25
Илья Бәхтия 

Үзүндә
Кәтмән теғи көк асманни талашқан
Қишта қари, язда мәса ярашқан
Шилдирлишип аққан күмүч булақлар
Әшу тағниң сайлиридин тарашқан
Барақсанлиқ йезиси бар бағрида
Қарғийи бар арчиси бар тағ қирда
Андин төвән тағил дала созулуп
Айланған у дәриғи йоқ тақирға.
Бу тақирниң шивиғи көп теши аз
Сүт уйқида ятар бу ййәр қишу- яз
Бу тақирға көзиниму салмайду
Төписидин учуп өткән өдәк ғаз.
Бу тақирға тағниң сүйи йәмәйду
Ямғур булут үркигәндәк чәтнәйдуң
Томузларда қизип турған тонурдәк
Алдамчи жа мираж пәқәт кәтмәйду.
Бу тақирни атишиду "дала" дәп
Язниң күни сусиз қалсаң бала дәп
Төвинидә Или бойи жаңгаллиқ
Әшу дала есип алған жаладәк.
Кәң далаға қариғанда көз йәтмәс
Бу далада сусиз яшаш қәвәт тәс
Қара булут бәзән қуйуп өткәндә
Бир тамчисин пәқәт зайә әвәтмәс.
Подробнее...
 
Шеирлирим
Стихи
Разместил: Диляра   

3 голосов 
19.10.2015 11:29
Диляра Супиева

Баһар пәсли бәкму әжайип еди
Көңүл хуш болидиған вақитлар еди
Шу күни жүрәккә чин сөйгү селинди
Амма яш жүрәкләр бош әмәс еди
Туймастин жүрәккә отни яқтурди
Бу аләмдә унчилик сөйгүни көрмиди
Дунияда иккиси ялғуздәк билинди
Алдида болған муһаббәт растмеди?!
Жирақта болсиму һәр күни издиди
Шу сезим билән сеғинип қийналди
Бир өмүр сөйдигинини улар чүшәнди
Чүнки бағланған муһаббәт қоймиди
Бир бирини Аллаһдин егилип сориди
Аманлиқ, бәхит бир биригә тилиди
Нәзәр ташлап сөйгүгә асман жиғлиди
Сөйгүниң көзлиридин яш төкүлди...

Подробнее...
 
Ана тилим
Стихи
Разместил: Һәмраҗан Амрақ   

8 голосов 
11.06.2010 08:25

Қайси милләт болушидин қәти нәзәр, ана тилиниң йоқулушиға сүкүттә түрдикән, у милләт өзлириниң милли кимликиниму йоқтиду. Тил өз миллитини сөйүш, кимлик вә өзиниң бар болғанлиқини испатлайдиған. Ар-номус шәрәп итибарини қоғдайдиған бир қорал.

Түркийә Җумһурийәтиниң 1-дәвләт рәиси,
Мустапа Кемал

Ана тилим – дана тилим

Илья Бәхтия

Улуқ аниниң жүрәк сөзини
Аңлидим дәсләп ана тилимдин,
Көрдүм әс кирип һаят көзини,
Мени чоң қилған дана тилимдин.

Оқудум мәнму «А», «Б»-дин башлап,
Илим тәмини тетип билимдин.
Өмүр жүкини алдим һапашлап,
Рәхмәт ана тил, рәхмәт дилимдин!

Ана тилимниң муңлуқ әллийи,
Тәвитип мени бөшүктә яттим.
Ат ятса елип ғолниң телини,
Кепинәк қоғлап сәйлитип кәттим.

Җаһанда тәңкәш келәр униңға,
Артуқ тил барму қәдирдан шунчә.
Чүнки шу тилда ана Вәтәнгә
Муһәббитимдин тизимән үнчә.

Подробнее...
 
Чолпан ата
Стихи
Разместил: Әзизҗан Аюп   

1 голос 
23.12.2013 18:54

Абдуреһим Мутәллип

Бойида Иссиқ-Көлниң гөзәл шәһәр,
Намидур униң әсли Чолпан ата.
Упуққа көз ташлисаң туруп сәһәр,
Тәбиәт шипалиғин қилар ата.
Һәр жутум сүйи болғач тәнгә дава,
Қайнайду әтрапида нәғмә-нава.
Деңиздин қирғақларға уруп турар,
Шипалиқ сүйи билән салқин һава.
Кәчқурун күн упуққа қойғанда баш,
Болисән гөзәлликкә шунда сирдаш.
Чунки бир су пәриси баш чөкирип,
Чиққандәк көрүниду саңа Қуяш.

 
Торт билән тоғач
Стихи
Разместил: Саламатхан   

0 голосов 
20.12.2013 21:55

Аблиз Һезим

Бир күни махтанди торт:
Дәп "мени яхши көриду жут.
Мәсилән, кишиләрниң туғулған күнлири,
Йеңи жил түнлири,
Март вә майда...
Мундақчә ейтқанда бәзи айда,
Үстәлниң зенити болумән,
Таамларниң қиммити болумән.
Чирайлиқ екәнлигимдиғу сөз йоқ,
Буни көрмигәнләрдә көз йоқ.
Униң үстигә татлиқ вә майлиқмән,
Тайлиқ сән - 
Көрәлмәйдиғансән;
Ичиң адап жүрәлмәйдиғансән"

Тоғач деди:
"Аңла қени,
Ақ көңүл аддий болиду,
Саддә болиду,
Жут билән һаман биргә жүриду.
Жапани тәң көриду.
Сәпәрдә сәпәрдаш болуп - дегәндәк,
Айда бир қетим көрситип қоюп өзини
Жүрмәйду сәндәк."

 
Илим тапмай махтанма
Стихи
Разместил: kurvan   

0 голосов 
29.12.2011 23:41

Абай Қунанбаев

Илим тапмай махтанма,
Орун тапмай талтайма.
Хумарлинип шатланма,
Ойнап бошқа күлүшкә.
Бәш нәрсидин жирақ бол,
Бәш нәрсигә амрақ бол,
Адәм болай десиңиз.
Ғевәт, ялған, махтиниш,
Ериниш, бошқа пул чечиш,
Бәш дүшминиң билсиңиз.
Тәләп, әмгәк, чоңқур ой,
Қанят, рәһим ойлап қой,
Бәш есил иш көнсиңиз.
Яманлиқ көрсәң нәпрәтлик,
Совутуп көңүл тийсиңиз.
Яхшилиқ көрсәң ибрәтлик,
Уни ойға жиғсиңиз.
Алим болмай немикән,
Балилиқни қийсиңиз.
Подробнее...
 
Жигдә гүллигәндә
Стихи
Разместил: Саламатхан   

0 голосов 
20.12.2013 21:24

Гүллигән чағ жигдә,
Бардим жутумға.
Сеғиниш отида вужудум йенип.
Еһ, отлар йеқилди пүтүн турқумға,
Сөйгәндә топрақни мән қенип қенип.

Паһ, меһри иссиқ,
Кәң бағри шу қәдәр,
Меһриван анамни салди ядимға.
Жутдашлар қол қисип, тәбәссум әйләр,

Аһ, нетәй чиқмиди анам алдимға...
Анамниң достлири хуш қарши алди,
Улардин көрдүм мән анам дидарин.
Тамчә яш көзүмдин мәңзимгә тамди,
Ачқанда анилар маңа от бағрин.

Анамниң пуриғин сәздим ипардәк,
Келип мән қериған жигдә түвидә.
У гүлләп туратти анам һөснидәк,
Гүпүлдәп пуратти гүллигән жигдә.

 
Хиялчан тиләк
Стихи
Разместил: Adiljan   

0 голосов 
23.06.2011 16:47

Лутпулла Мутәллип
Ақсу, 1945 ж.

Тиңриқмаймән достлар, тиләймән алий тиләкләрни,
Чүшәрмәймән күрәшкә дәп түргән биләкләрни.
Мәрт бағвән ғазаң қилмайду вақитсиз бағни,
Тәрбийсиз солдуруп гүл-чечәкләрни.
Хиялим худди тәлпүнүп турған бир сәби бала,
Емиш үчүн қәдирдан анидики қош әмчәкләрни.
Ләзәтлик хиял арисида беқип асманларға,
Тәпәккүр көзи билән көримән рошән буҗәкләрни.
Җанан наз уйқида йетип ничүк толғанмас,
Ашиғи күтүп турса ечип йоруқ роҗәкләрни.
Немишкә язмай, тиләк арилаш муңлуқ лирикиларни,
Сөйгү ишқи өртәп көйдәрсә жүрәкләрни.
Әзәлдинла хиялчан... муңлуқ бир жигит едим,
Тиңшиғачқа момам ағзидин самави чөчәкләрни.
Сөйгү деңизи чоңқурлиғида мән қайнап турсам,
Уссуллуғум қандақ қансун ичип кичик көлчәкләрни?

 
Зулумға қарши
Стихи
Разместил: Adiljan   

0 голосов 
23.06.2011 16:48

Абдухалиқ Уйғур

Көрмәк нәсиб болурму Күнниң жамалини, вай!
Күн олтурупқу кәтти чиқмайдиғу әжәп Ай?
Аптапқу кәтти қолдин, үмүд йоқ йәнә Айдин,
Төрт әтрапқа басқан мән, зулмәттә қалған һәр җай.
Зәп алса әзиз тәнни, ғәм қоршиса Вәтәнни,
Көр путтики кишәнни, қандақ қилур йиқилмай.
Һәммини қулум қилса, һайвандәк зулум қилса,
Дәпсәндә кукум қилса, виждан қандақ чидиғай?!
Ғәмимизни йәйли биз, немә десәк дәйли биз,
Қол қоштуруб, ләббәй дәп нә қилса қараб турмай.
Уйғур ечиб көзүңни, тонутуб қой өзүңни,
Қачан болса бир өлүм, ғәйритиңиздин айлинай!

 
Әлачи
Стихи
Разместил: Мәмур   

2 голосов 
10.03.2010 10:24

Һисамдун Исламов

Рустәм әла оқуйду,
Биринчидин башлапла.
Оқушиға киришкән,
Бәңвашлиқни ташлапла.

Әлачилар ичидә
Дайим униң сүрити.
Үлгә болғач тәртиптә,
Һәммә җайда һөрмити.

Кичик пеил һәммигә,
Махтинишни билмәйду.
Ярдәм қилип башқиға,
Заңлиқ қилип күлмәйду.

Подробнее...
 
< Предыдущая 1 2 Следующая >

Страница 1 из 2

Поиск

 

Авторизация



Опрос

Ваш уровень уйгурского:
 
 
 
 
 
 

Счётчики

Яндекс.Метрика